[b][b][b]هعلمكم حاجه حتنفعكم ف حياتكم كلها [/b][/b][/b]
[b][b]حندخل ف النصايح على طول .. وحديكى بقى تفصيل جميل جدا[/b][/b]
[b]( الشرح ده .. حتى لا تفاجئى عزيزتى حواء[/b]
[b]انك معروضه على اى شاب .. ليبدى رايه فيك ولا اجدع بضاعه ف سوق الخرده[/b]
[b]فخذى حذرك .. واوعى يفاجئوكى :D )[/b]
انذار: العريس قادم
- مثلا ان تتصل بك خالتك اللي عمرها ماكلمتكو الا في المناسبات الوطنية لتسألك عن احوالك وتذكرك بأنك كبرتي وكأنها اكتشفت سر من اسرار الكون, ثم تسألك هل ارتبطتي ام لا, هذه اشارة واضحة لاتتجاهليها.
- او ان يطلب منك عمك ان تزوريه لانك وحشتيه جدا , ونفسه يشوفك اوي, انتي التي تناولتي الغداء لديه من يومين فقط, اذن العريس يلوح في الافق
- ومن الجائز ان تكوني في مشوار مع صديقاتك لتفاجئي بمكالمة من البيت على المحمول لتجدي اباك يسألك بكل براءة انتي فين, مع انه لسة موصلك لصديقاتك من نص ساعة بس, ثم يطلب منك سرعة العودة للمنزل عشان في ضيوف, متهيألي واضحة اوي دي.
- أو قد يمنعك والدك في يوم من الخروج بحجة ان عمو فلان..فاكراه..
جاي يباركلنا على الشقة الجديدة, ولازم تكوني موجودة, دا باعتبار انك المرشدة السياحية لشقتكو, عموما كتر خيره الراجل بصراحة, لولا انه اتأخر قليلا, فالشقة (الجديدة) بقالها 15سنة [ندعوك للتسجيل في المنتدى أو التعريف بنفسك لمعاينة هذه الصورة], ولكن يبدو انه صبر حتى يضمن استقراركم في الشقة, وحتى كبر ابنه وبدأ في البحث عن عروسة
* ولا يجب ان ننسى دور الام مع ابنتها والذي يكون غالبا في غاية الوضوح
- او مثلا تيجي داخلة بيتكو تلاقي والدتك قاعدة مع واحدة
عمرك ما شفتيها وتقولك تعالي سلمي على طنط عنايات,
دي زميلتي من ايام الكلية ..
قابلتها صدفة في وسط البلد يامحاسن الصدف,
وسط البلد اللي الناس بتتوه فيه من بعض اصبح الناس تتقابل فيها صدفة
- وتنظر لك طنط عنايات بإعجاب شديد وتهتف: بسم الله ماشاء الله تعالي ياعروسة عروسة!!!! هنا قد يبدأ الشك, ولكنه يتاكد بعد يومين
حين تتقمص والدتك دور الشيخة نادية وتقولك شفتلك حلم امبارح انما يشرح القلب, وتشرحلك بالتفاصيل الفرح, والفستان والزفة واوصاف العريس
الذي هو مرعي ابن طنط عنايات!!!
كل ماتقدم ينذر بالخطر المحيط بك... فكيف تتصرفين؟؟؟
كيف ترفضين عريسا
[size=21]خطة أ:[/size]
هناك العديد من الحجج التي تعينك على رفض هذا العريس:
- فأول تلك الحجج هي انك تريدين اكمال تعليمك .. أما لو كنت قد تخرجت بالفعل فتقولين لهم: لا لسة بدري.. هناك الماجستير والزمالة والدكتوراة,
وجوائز الدولة التقديرية والتشجيعية والطحينية أيضا , ثم الحلم الاكبر بالحصول على جائزة نوبل في اي حاجة .. ويديكي طولة العمر.[ندعوك للتسجيل في المنتدى أو التعريف بنفسك لمعاينة هذه الصورة] - هناك أيضا مقولة انك مش بتفكري في الموضوع دا دلوقتي... عشان في مواضيع اهم شاغلة تفكيرك مثل قضية اللاجئين وحرب الشيشان , وأزمة البنجر في الجابون.. وحين تحل تلك القضايا ويرقع ثقب الاوزون ستفكرين فعليا في الزواج.
- قد تتحججين ايضا بارتباطك الشديد بوالدتك, وأنك لا تستطيعين مفارقتها , وهذه ستكون هدية العمر لأبيك والذي سيقترح - بكل خبث - أن تاخذيها معك, وتكون هذه الطامة الكبرى للعريس الذي سيفر بمجرد سماع الاقتراح.
أما اذا لم يقتنع اهلك بكل تلك الحجج واصروا ان تقابلي الموكوس , فهناك عشرات العيوب التي يمكنك اختلاقها في اي شخص.
[size=21]كيف ترفضين عريسا[/size]
[size=21]خطة ب:[/size]
- فإن كان بشنب فهو شكله وحش بالشنب, ولو كان من غير شنب فأنت لا تقبلين رجلا بدون شنب.
- لو كان تخين فهو بكرش وغير مناسب, ولو كان رفيع فهو هيكل عظمي وغير مناسب ايضا.
- لو كان يزوركم كتير فهو لزقة, ولو قلل من زياراته فهو لا يحبك.
- لو بيتكلم كتير يبقى رغاي ولو كلامه قليل يبقى طوبة.
- لو واثق في نفسه يبقى مغرور, ولو مش واثق تبقى شخصيته ضعيفة.
- لو سريع البديهة فهو متهور, ولو متأني يبقى تنح.
- لو بيفكر يحسن وضعه في الشغل يبقى طماع ولو مبيفكرش فهو فقري.
- لو استشارك في كل الامور فهو متردد وبريالة, ولو اتصرف من نفسه فهو ديكتاتور.
- لو صرف عليكي كتير يبقى مسرف, ولو صرف قليل يبقى بخيل.
- لو بيحب امه يبقى دلوعة ماما, ولو مش بيحبها فهو جاحد.
- لو بيغير عليكي فهو متخلف او مش واثق فيكي, ولو مش بيغير يبقى مقطف.
[size=21]كيف ترفضين عريس[/size]
[size=21]خطة ج:[/size]
يجب أن تلاحظي طريقة كلامه عن والديه, فهي تدل على مستواه الثقافي, وهي ايضا تلكيكة جديدة كي ترفضيه:
- مثلا ان كان يتكلم عنهما بصيغة: ابويا - امي فهو فظ غليظ لن يحسن التعامل مع فتاة رقيقة مثلك.
- أما ان كان يتكلم بصيغة بابي - مامي- دادي, فهو دلوعة ومايص ومايع ولا يصلح الا لرقص الباليه.
- أما ان كانت صيغته هي والدي- والدتي, فهو رسمي جدا كأنه يحدث مديره في الشغل.. ماينفعش.
- لم يبق الا صيغة بابا- ماما وهنا يصبح عاديا جدا وليس به شيء مميز
[size=21]خطة د:[/size]
يجب ان يستيقظ الغل الطبقي في اعماقك, , وعليكي ان تكني كل الحقد والكراهية لكل طوائف الشعب... وان تسترجعي ميولك الاقطاعية -حتى لو كانت امك بائعة فجل - وتكون طريقة كلامك بكل الاطة على النحو التالي:
- لأ ماتجوزش فلاح .. طينة وزرع ومش بدوده.
- دا مش فلاح دا صعيدي
- طيب في واحد سواحلي
- لا لا لا لا الا السواحليه رمل وسمك ورطوبة.
- طيب العريس بتاع القاهرة
- أنا اتجوز قاهري, تلوث وضوضاء وعشوائية.. مش ممكن.
- طيب بلاش القاهرة في واحد بدوي.
- بدوي ايه.. مستحيل... قال بدوي قال.
أما أي جنسية خارج حدود الوطن فهي مرفوضة تماما, مش ناقصة بهدلة,
وعليكي انتظار كائن فضائي من اورانوس للزواج.
[size=21]كيف ترفضين عريس[/size]
[size=21]خطة هـ:[/size]
التوافق .. يجب ان تكونا متوافقين تماما في الافكار والمعتقدات والهوايات, فلو انه لا يحب نفس الموسيقى والطربين بالضبط دون اي اختلاف كأنه نسخة جينية منك فلترفضيه على الفور فأنتما غير متوافقين.
اما لو كان يحب نفس الموسيقى ونفس المطربين دون اي اختلاف كأنه نسخة جينية منك فلترفضيه ايضا فلا حاجة ان تتزوجي نسخة منك.. انت موجودة.
ويسري هذا على الكتاب والممثلين وابطال صيد السردين.. يجب ان يحب ماتحبين او لا يحب مش فارقة.. هايترفض هايترفض.
النصيحه الذهبيه !!
اطلبي .. اطلبي..اطلبي
انتي العروسة فاطلبي ماتشائين..
اطلبي لبن العصفور وبيض الديك وقارورة من دمع التماسيح,
واذا لم يلب طلباتك استمارة 6 علطول
اكيد عارفة الاعلان الانتهازي بتاع " انا عايزة دي ودي ودي "
خليكي محدثة نعمة واخربي بيته,
مش عايز يتجوز .. يدفع بقى
[size=16]كل هذه الخطط المضنيه[/size]
[size=16]ايمانا منا .. بان الجواز .. شر لا لزمه منه[/size]
[size=16]وانه لا يُسعد المرأه ايضا[/size]
[size=16]لان يا فالحه[/size]
سالت واحده نزار قبانى .. شاعر المرأة
قالتله .. متى يموت حبى للرجل ؟
السبت أكتوبر 27, 2012 2:06 am من طرف محمد عربين
موضوع: ازاى تطفشى عريس ...؟؟! 
